Für zwei Kinder
Bueb:
De ganz Tag gohts mir dur de Sinn,
ob ächt de Chlaus im Säckli inn
au öppis het für mi und d Schwester?
Meitli:
Jo Chlaus, mir plange scho sit gester!
Drum bis willkomme i üsem Huus
Und gäll, du leersch dis Säckli us?
Bueb:
Chönnts drinn vielllicht Läbchuche ha?
Nuss, Bire und Grittimaa?
Und Mandarine oder Güetzi?
Meitli:
Jetz säg doch zerscht em Chlaus Gott grützi,
süscht nimmt er viellicht d Rute use
und loht sie grad e chli suuse!
Bueb:
Du bisch jetz au no ganz e Schlaus,
i ha längst „Grützi“ gseit, gäll Chlaus,
und wäg der Rute weiss i scho.
Meitli:
He jo – er chas im Buech no schlo!
Gäll dört stoht ganz genau beschriebe,
was d Chinder öppe alls hend triebe?
|