|
Wienachts- und Wintervärsli
|
|||
 |
|||
|
Schlittefahrt |
|||
|
Uf em grosse Hörnerschlitte chunnt der Samichläusli gritte. D'Geisle chepft, u silberhäll glöggelet sys Schlittegeschäll. Hei, isch das e wildi Fahrt ! D'Byse striglet ihm der Bart, schmeizt ihm d'Auge voller Schnee, dass er chuum cha vüre gseh. Ds Eseli muess grüüsli schnuppe; d'Byse tuet's nid minder tschuppe, u der Schlitte hänkt ihm a, dass es fasch nid gfahre ma. Aber Chlaus, i grosse Sorge, darf sym Grauli weni borge. Mit sym töife Cholebass seit er:" Gäll, das isch kei Gspass ! Lueg, es isch nid anders z'mache ! Da my Schlitten isch voll Sache, won ig innert dreine Tage muess vertrage, süsch git's z'chlage. Bin i z'spät, ischt d Chappe lätz - drum, mys Grauli, hopp i d'Sätz !" Ds Eseli, das guete Gschöpfli, nickt verständig mit em Chöpfli, ligt no einisch brav i d'Stricke - u nach parnen Augeblicke biegt es ume nächschte Rank - Grauli, liebs ! Häb tuusig Dank ! |
|||
|
|
|||
| WeihnachtsStartseite | Weihnachtsplätzchen | WeihnachtsShop | ADVENTSKALENDER |
 |
|||