Wienachts- und Wintervärsli

 

Uf der Strass


Uf der Strass vor übem Hus,
Schufle si nes Outo uus.
Under emme Bärg vo Schnee,
Cha mes überhoupt nümme gseh.
Wen’ scho chalt isch, hei si heiss,
D Gsicht  sy rot und nass vo Schweiss,
Es pressiert, me sött vo Huus,
Derzue schneit’s, es isch e Grus.
Äntlech und nach langer Zyt,
Isch es afe du so wyt,
Dass chly Farb isch fürecho...
Eim hets fascht der Aate gno !
Rüeft: Hör uuf – es settigs Glump !
Das isch ja der „Merz“ vom Stump !
La di Schufle doch la stah,
Chumm, mer sötten äntlech ga !
Zeig, du bisch no voller Schnee.
Gottlob het is niemer gseh !
Beid si hantlige dervo,
Gschwind uf ds Tram, wo grad isch cho.

 
WeihnachtsStartseite Weihnachtsplätzchen WeihnachtsShop ADVENTSKALENDER
 SchweizerSeiten