|
Weihnachtsgeschichten Bärndütschi Wienachtsvärsli und Wintervärsli |
|||
|
E Wienachtsboum ir Stube steit, Voruss isch’s chalt und ganz verschneit. Der Vatter züntet d Cherzli aa Und Mueter stimmt es Liedli aa. Uf ds Mal ghört me im Stägehuus E Mordsgrampol, es isch e Gruus. D Chind gumpe eis, zwöi, drü dervo:Juhui ! Der Samichlous isch do ! |
Samichlous, weisch, was i wett ? Uuf und use us em Bett ! Äntlech e kes Fieber ha, dass i umeggumpe ch; Myni Fründe wider gseh, Spile mit em Hund im Schnee, Uf di nöie Schy ga stah ! Hilf mer, dass i gly cha ga ! |
||
|
|
|
||
|
Säg Mueti, wi lang geits’s ächt
no, Bis dass der Samichlous tuet ch ? Säg Mueti, cha me d Uhr nid zwinge, Das d Zeiger schnäller umespringt ? Säg Mueti, cha me d Zyt nid bschysse Und am Kaländer z viil abrysse ? Säg Mueti, meinsch, er tüeg dra dänke, der Samichlous, mer öppis schänke ? |
Du, weisch, was i scho lang gärn
hätt ? Im Garten uss es Futerbrätt, dass d Vögel, wenn si Hunger hei, Druuf chöi cho picke, wenn sie wie, Oeb Amsle, meise, Grüenfink, Spatze, Bi mir hätte si alli Platz Und wüsste, dass am früche Morgr I alli Tag würdi für se sorgr. |
||
|
|
|
||
|
Vori han i’s ghöre lüte, Isch’s am Änd ds Christchindli gsi ? Mueti, was söll das bedüte ? Hets ächt gglöggelet für mi ? |
I bin es lustigs Münggeli, Der Vati seit mer: Stünggeli, I stande fescht uf myne Bei Und jetze wott i wider Hei. |
||
|
|
|
||
|
Mueti, würdsch mer hälfe dänke, Was i chönnt em Omma schänke ? Eh, da gits ja tuusig Sache, Wo d no chasch vor Wienacht mache, Lismen es paar Pfanneplätze, Eis e rächte, eis e lätze; Mach es Fueteral für d Brülle, Tue i d Büchse Gützi fülle ! Du musch nid so dänkfuul sy, Bruuch e chly dy Fantasie ! Weisch de nümme, wie und wo, Chasch de gäng no zumer cho ! |
Vorusse steit en alte Maa Und luegt im Fänschter Gschänkli aa. Er het ke Frou meh und kes Gält, Isch ganz alei uf dere Wält. S git niemer meh, wo zu ihm geit, Kes Grosschind, won ihm Opa seit. Er isch truurig und vergrämt, Gang frag nen, öb er zuen is chämt. Er söll sech doch am Wienachtsaabe, Chly mit is freue und erlabe ! Er söll’s rächt warm un gmüetlech ha Und merke, mir si für ne da. |
||
|
|
|
||
|
Wär tüüsselet desume Im Zimmer näbedra ? Wär chüschelet ächt nume, dass i’s nid cha verstah ? I böimele hööch ufe, Glüüssle dür ds Schlüssuloch, I waage mi chuum z schnuufe... Oh Mueti, säg mer’s doch. |
I bi ne chlyni Hutte, Wett o ne roti Chutte, Es Eseli und e Schlitte ! I tue di ganz fescht bitte ! |
||
|
|
|||
|
I däm Huus am gääje Stutz, Wohnt der Bueb vom Robert Glutz. Uf em ysig herte Schnee, Het me ne scho mängisch gseh Schlittle dür di angi Gass, Büüchlige z dürab zum Gspass. Gäng hei d Lüt ihm wider gseit, Gfährlich syg’s – s het nüüt abtreit. Letschte Mäntig, nach em Tee, Isch es halt du gscheh: Es Outo het, zum grosse Glück, No zyberlet es chlyners Stück Und het der Bueb derdür eso Es Zytli eifach mit sech gno. Er het e Mordiochlupf bercho Und isch mit Schlotterchnöi dervo. Mit emne Schranz im Hosebei Isch er drufabe duuche hei. Vo dennwäg het ne niemer meh Im Gässli uf em Schlitte gseh !
Samichlous, i ha di gärn, |
|||
|
|
|||
|
Alles isch gfrore, Stei und Bei, Ds Müüsli findet nümme hei ! Ds Mondliecht zündet uf e Schnee, Wäg däm tuet es glych nüüt gseh, Zitterig louft’s hin und här, Wen’s doch i sym Löchli wär ! Hinder emne Haselstruuch, Knuret lut em Fuchs sy Buuch ! Tifig und vor Hunger schmal, Schlycht er dür e Schnee uf ds Mal ! Schläcket d Schnouze, macht e Hupf – D Muus blybt stoh vor luter Chlupf ! Aber z letscht, da schlüüft si doch No grad vor em Fuchs i ds Loch ! |
|||
|
|
|||
|
Wart, blyb dusse, chumm nid ine, Mit dyr nasse Pellerine ! Chumm isch’s suber, fascht wi gschläcket, Het der Hund mer alls verdräcket. Wider han i müsse fäge Zringsetum, der Gang und Stäge. Gly drufabe het es gschället Und der Rex het giftig bället. Wär steit vor der Tür, la gseh ? D Tante Trudi, voller Schnee ! Schlüüf i d Finke, pass chly uuf, Wo’s no nass isch, stand nid druuf ! |
|||
|
|||
| WeihnachtsStartseite | Weihnachtsplätzchen | WeihnachtsShop | ADVENTSKALENDER |
 |
|||