Swem ist mit edlem sange wol

Swem ist mit edlem sange wol,
des herze ist vol gar edler sinne;
sang ist ein sô gar edlez guot:
er kumt von edlem sinne dar;
dur frowen klâr, dur edel minne -
von dien zwein kumt sô hôher muot.

Waz waer diu welt enwaeren wîb sô schoene?
dur sî wirt sô vil süezekeit,
dur sô man wol singet unde seit,
sô guot geticht und süez gedoene:
ir wunne sang ûz herzen treit.