Wienachts- und Wintervärsli

 

Der Wiehnachtsboum


Liebe, chlyne Wiehnachtsboum,
mängisch han i vo der troumet,
ha di gseh im Cherzeschyn,
ganz mit Liechtli übersoumet.

 Silberfäde, fyn u zart,
sy vo jedem Zweigli grunne;
z'oberscht hesch es Stärnli treit,
wo het glüüchtet wie ne Sunne !

Aber jetz, wo d'vor mer steisch,
gloub's, du härzigs Tanneböimli,
hundermal bisch schöner no,
weder ds allerschönschte Tröimli.


 

WeihnachtsStartseite Weihnachtsplätzchen WeihnachtsShop ADVENTSKALENDER
 SchweizerSeiten